Зөв зөв зөв чи хаана байна?

Өөрөө өөртэйгөө хийх тэмцэлд бууж өгөөд л байна.
Нэг үгээр хэлвэл хэрэгжүүлж чадахгүй байна.
За яг маргааш яг одоо л гэх хирнээ нэг л мэдхэд төлөвлөгөө байхгүй сууж байх юм.

Яавал би бигээрээ үлдэж, би өөрийгөө эргэж олох вэ.
Юу хийх хэрэгтэй юм бол.
Аар саар зүйлээр аргацаасаар өдөр хоногууд өнгөрсөөр.
Утга учиртай гэхээр зүйлс хийхгүй цаг хугацаа явсаар л.

Миний насан дээр ийм байж болохгүй гэдгийг л маш сайн мэдэж байна.
Бусдыг биш өөрийгөө шүүмжилсээр нилээн хугацаа өнгөрчээ.
Зөв газраасаа барьж авч чадахгүй байна уу, юу нь болохгүй байгаа болоод нэг газраа эргэлдээд байгааг мэдэх юм алга.

Өглөө лифтэнд ээж рүүгээ дуугай бай гэж орилох 17-19 насны томоо залуутай таарав.
Төд удалгүй миний хүү бас над руу хашгирах юм шиг аймшигтай санагдав.
Бүхий л аав ээжүүд үр хүүхдээ өөрөө өөрсдийнхөөрөө зөв хүмүүжүүлж байна гэж бодон өсгөдөг байх даа.
Гэтэл зөв бурууг цаг хугацаа ингээд л шүүгээд өгдөг байх нь.
Хэзээ нэг өдөр тэр хүү аав ээжийнхээ хайртай, энхрий хүү нь л байсан байх даа.

Зөв хүн бий болгохын тулд би өөрөө зөв баймаар байна, яая дөө.